एजेन्सी । म्यानचेस्टर सिटीले बुधबार भएको इंग्लिस प्रिमियर लिगको खेलमा वेस्ट ह्यामलाई २–० ले पराजित गरेको छ ।
रोड्रीले सिटीका लागि घरेलु मैदानमा पहिलो गोल गर्दै पहिलो हाफमै अग्रता दिलाए। पेप ग्वार्डिओलाको टोलीका लागि दोस्रो हाफमा केभिन डी ब्रुयनाले अर्को गोल गरेका थिए ।
२६ खेलको समाप्तिमा सिटी ५४ अंकका साथ दोस्रो स्थानमा कायम रहँदा लेस्टरको खातामा ५० अंक छ। शीर्ष स्थानको लिभरपुल भने ७६ अंकका साथ उपाधि जित्ने अभियानको निक्कै नजिक पुगिसकेको छ।
फाइनान्सियल फेयर प्लेको नियम मिचेको आरोपमा सिटीमाथि युरोपेली फुटबलको सर्वोच्च निकाय युइएफएले दुई वर्षका लागि युरोपियन फुटबलमा लगाएको प्रतिबन्धका कारण सिटीको तयारी प्रभावित भएको थियो।
