ढडुवा एफसी हल्दिबारी गाउँपालिकाको आयोजनामा भइ रहेको प्रथम ढडुवा गलाउ मेचे स्मृति कप नकआउट फुटबल प्रतियोगिताको आज भएको खेलमा आयोजक ढडुवा एफसी “बि”माथि गोलधाप एफसीले जित निकाल्न सफल भएको छ ।
यो सगै गोलधाप एफसीले पनि आफ्नो स्थान अन्तिम चारमा पक्का गरिसकेको छ।
ढडुवा एफसी बी टिमका गोलकिपर अरिब ढुङ्गनाको गल्तिका कारण आजको खेल सगौ आयोजक टिम प्रतियोगिता बाट बाहिरिएको छ । आज भएको अन्तिम क्वाटरफाइनल खेलमा गोलधाप एफसीसँग ढडुवाले १-० को खेल खेलेको थियो ।
गोलधाप एफसीका लागि सनम हेमरमले गरेको गोल नै निर्णायक बनेको थियो । खेलको पहिलो हाफको अन्त्य तिर हेमरमले गोल गरेका थिए । खेलको म्यान अफ दी म्याच गोलधापका जर्सी नम्बर ८ का खेलाडी सन्तोष हेमरम बन्न सफल भए ।
सो प्रतियोगितामा पहिलो सेमिफाइनल खेलका लागि भोलि एन.सि.एफ.सि सैनिक र न्यु स्टार खोपबारी प्रतिस्पर्धा गर्नेछन ।
स्व गलाउ मेचेको पत्नी चन्द्रा माया मेचेको सभाअध्यक्षतामा चलिरहेको कार्यक्रममा आज प्रमुख अतिथी हल्दिबारी-२ का वडा सदस्य बिष्णु राई रहेका थिए भन्ने कार्यक्रमको संचालन एवम सहजीकरण अभिषेक खतिवडाले गरिरहेका छन।
