झापा । मिर्गौला पीडित १५ वर्षीय बालक नवीन मेचेको जीवन रक्षाका लागि हल्दीबारी डट कममा समाचार प्रकाशित भएपछि वैदेशिक रोजगारीका क्रममा युरोप पुगेका दुई स्थानीय युवाले आर्थिक सहयोग गरेका छन्।
साइप्रसमा रहेका हल्दीबारी–३ ढडुवाका अनिल मेचेले ५ हजार ५ सय रुपैयाँ र रोमानियामा रहेका हल्दीबारी–४ का कृष्ण मेचेले ५ हजार १ रुपैयाँ गरी कुल १० हजार ५ सय १ रुपैयाँ सहयोग रकम पठाएका हुन्। उक्त रकम हल्दीबारी डट कममार्फत पीडित परिवारलाई हस्तान्तरण गरिने भएको छ।
अत्यन्तै नाजुक आर्थिक अवस्थाका कारण उपचारमा समस्या भएपछि १५ वर्षीय नवीनको अमूल्य जीवन बचाउनका लागि परिवारले स्थानीय जनप्रतिनिधि, सामाजिक संघ-संस्था, व्यवसायी, सञ्चारकर्मी तथा देश-विदेशमा रहेका सम्पूर्ण मनकारी महानुभावहरूसँग आर्थिक सहयोगको अपिल गरेका छन्।
