बाह्रदशीबाट लागूऔसधि गाँजासहित सुनार पक्राउ

हल्दिबारी । बाह्रदशी गाउँपालिका- ६ बाट लागूऔसधि गाँजासहित एक जनालाई प्रहरीले पक्राउ गरेको छ ।पक्राउ पर्नेमा बाह्रदशी-६ का ६१ वर्षीय नरबहादुर सुनार रहेको प्रहरीले जनाएको छ ।

इलाका प्रहरी कार्यालय घैलाडुब्बाबाट खटिएको प्रहरी टोलीले विशेष सूचनाको आधारमा शनिवार साँझ ५ बजे सुनारको घरको सुत्ने कोठामा रहेको झोला चेकजाँच गर्ने क्रममा झोलामा लुकाई राखेको अवस्थामा २ किलो ५ सय ग्राम गाँजा बरामद गरेको थियो । गाँजासहित पक्राउ परेका उनमाथि थप अनुसन्धान भइरहेको जिल्ला प्रहरी कार्यालय झापाले जनाएको छ ।