( बिसंगति कविता )
ए हुर्रा .. रे मुर्रा ,
कोए ते .. ठेङ्गेर लाँत्खुरा।
अन्छुवा गेलो दे .. नागरिकता,
ईन्डियात .. पालो नाँनी दहीचुरा ??
लिए गिस्लो ..फेर तुई बैराती,
तोर नाँचन कुदन .. होलनाँनी पूरा ।
हाँउसते बजाए .. ढोले आर ढाँक ,
ना थँली-खानते .. खालो रे हुँर्रा ।।
देशते लोक्ला .. निपाए नागरिकता,
तुई ईन्डियाते जाए ..कर्लो मनसुवा पूरा?
मानते करिल तोक .. मुर्रा भैसीर दान,
ना मोदी,जाँनिए बेनाले .. तोक बारी-घुर्रा ।।
देशटके लिए कर्लो ..केङकरे , हेट-ऊपर ,
नेता हए भाँसालो .. देहा लदीत भुरा ।
बहे गेले देशेर .. ईज्जत आर सम्मान ,
आप उठिए , देखिए .. बनुवा हबे रे सुर्हा।।
करिए देखेक किछु .. आप आफ्नारे देशत,
नागरिकता बाटुवार बादे .. बनेक काँठ्सुर्हा।
यैठिके मिल्बे सभेला .. ईष्ट भाई प्रियमित्र ,
गरीब दुखीलाए त .. तोर सपनखान कर्बे पूरा ।।
.
.
जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया
