रुपे देखिस्नु ,पहिले तोक.. तुई , छिलो गे सुन्दरी ,
भित्रे देख्नु , आल्हाए .. तुई निक्लिलो गे घुन्धरी।
प्रितेर फाँस , जुरिए तुई ..अल्फते लिलो गे जान ,
कल्जा , फेप्सा जलाएने .. काम्छारए दिलो गे दान।।
हाँसी बलीते भुल्वा निहचे .. कहचे गे छाँच्कारी ,
जीउजान दिए सपुवा निहचे .. हए नाते मिच्कारी।
मायाते हचे , झरी-वर्षा .. उठुवा पारे , लदीर बाँन
प्रितेर सपनलाक भाँसाए ..हारुवाअ पारे यिड प्राण।।
हावार सँगे , जुग बहचे .. उराँचे मनेर अन्दरी ,
खुल्ला हईचे , प्रितेर डोर .. कि काम लाग्बे, मायार नगरी ।
मायार डायरीडा , सानिए गेलो ..घिस्टाए कर्लो छार्ह-छाहान,
सुन्सान जगहत फिकाए गेलो ..बनिगेलो मायार मेजुवान।।
दाग लागाए छरिए गेलो .. बनिए आध्रा तस्करी
कुन तिर दिए शिकार कर्लो .. मनेर बुझेना लहरी।
क्या घुने-घुने फम पाँचे .. कि सान्जे आर बेहाने ,
हारुवा चाहाचु मनसे तोक .. ताह गिदाचे तहरे गान।।
याे खबर पढेर तपाईलाई कस्ताे महसुस भयाे?
+1
1
+1
1
+1
+1
+1
+1
