राजवंशी भाषिक कविता : “मेघ राजा”

राजवंशी भाषिक कविता : “मेघ राजा”

बिधि एई , माटीर सङ्गे
लागेचे , बालुबालु खेलाचे।
कोइतिर सुक्ना , खर्खर ते,
कोइतिर जले , डुबाए फेलाचे।।

दया करेक ना ,हे मेघ राजा,
तोर केनङ् छे , नियम बिधान?
भासाए घर , जीव जानवरलाक
क्या बेनाचित , माटीर सामान ।।

मानुष जानवरला , बहुत कष्ट करे
आफ्नार , घरबारीला जराचे।
जिहापुता , सन्ततिलाक थिताए
जीवन संघर्षेर , संसार भराचे।।

अन्नदाता तुहे , गिर्हसक कहचित
फेर गिर्हसेर , भासाचित धान!
दिन रात करेचित , झरी आर बर्षा
गिर्हस कि करे?, साम्हलाए जान??

केनङ् दुर्दशा , करेचित मेघराजा,
भय से यिड् , दुनियाँ डरेचे ।
दया करेक , हे मेघराजा
तोर आगु सभाए , बिन्तीभाव करेचे ।।

जोगेन्द्र प्रसाद राजवंशी
कचनकवल :-३, दल्की झापा
हाल :- मलेसिया