ढुङ्गे युगबाट विकसित भइ आयौँ आजका हामी मान्छे ,
काँचोकचिलो खान छाडि पकाएर खान जान्ने हामी मान्छे ।
विज्ञापन (Advertisement)
गौतम बुद्धका उपदेश छाडेर दानवीरुप देखाउने हामी मान्छे ,
हातेमालो गरेर हिड्न छाडि बाधाहरु उब्जाउने हामी मान्छे ।
परिश्रम गरी अगि बढ्नेमाथि इर्ष्या र डाह गर्ने हामी मान्छे ,
मेहनतले कमाएको धन सम्पत्तिमा राल काड्ने हामी मान्छे ।
निःस्वार्थ समाजको भलो गर्नेमाथि आरोप लाउने हामी मान्छे,
उच्चतम शिखरमा पुगेर अर्काको विनाश गर्ने हामी मान्छे ।
शान्ति भूमिमा जन्मिएर तिरस्कार र वहिस्कार गर्ने हामी मान्छे,
सगरमाथाको काखमा बसेर अरुलाई रुवाउने हामी मान्छे ।
