बिसंगती कविता
भाषा एक्टा .. भावेर संचार
आदान-प्रदानेर .. माध्यम हए।
माध्यमे से बनेचे ..निर्माण सिर्जना ..?
सिर्जनाते .. जातेर उत्थान हए।।
संस्थारे माथा जे .. ढाँकीया माँथा ,
भाषा नि फुटाए .. ते गँजा हए।
काँहे आस्बे रे .. उड् गँजार घरत?
यै गँजाए त .. हामार बँझा हए।।
पेट भेच्का भाषा .. गुदगुद भाँरी ,
बस्तीयाला कहचे मुई .. उहाँरे प्रजा हए।
ठाँट बाँटे नेतार .. देख् थार्ह टुपी,
थार्ह टुपी ना ..आर्ह राजा हए ।।
जहाँर ना , सुधी रे .. भाषा धर्मर ?
बचुवा जान्ले त् .. किछु कर्म हए।
जाँगिए किकर्बे रे ..एक्लाए गाँअ-बस्ती?
ढाँकीया मुथा देख्ले त् ..किछु धर्म हए।।
पहिचान घुरेचे रे .. गाँअ आर बस्ती ,
भाषा-बिद् बेराचे रे ..फेर बड् हए ।
साहित्यकार देछे फेर .. पछिम भक्ति,
साहित्य सुधा ना हामार .. जँर् हए ।।
लाँजाचे बोले .. दिबार थाँनत भक्ति,
शहरत रहे रे .. चँक्चक् गँर् हए ।
पढिए लेखिए किकर्बे ..आर्ह जातेर उन्नति
यैलाए पहिचान बिनासेर .. त् भँर् हए।।
बापदादो जे पाले .. देवेर शक्ति,
सै शक्तिसे भाषा निक्लिल् .. दर्ह् हए।
आझी भाषा पुगिचे रे ..ढाँकीया मुथार हाथत्
यै भाषाक बेन्वार ना .. हामार घँर् हए।।
याे खबर पढेर तपाईलाई कस्ताे महसुस भयाे?
+1
1
+1
+1
+1
+1
+1
1
