फुलमाया गे तुई .. फुलेर लाखा,
दिलमाया गे तुई.. दिलेर लाखा ।
रुपमती ना आर्ह.. कि कि जाने?
तुई त आईचित गे .. महरे ताने ।।
मुई जदी भमरा निहले .. निहोल्तन देखा,
फुलवारीते फुलिए तुई .. होल्तन जंगलेर लाखा।
आझी सुवास छर्लो तुई .. तभेना, विधि जाने ,
सै विधि , पेठाईचे मोक ..तहरे गे ताने ।।
थितुवाअना जाने हावाए .. तोर बैशेर बासँना,
मिलुवाअना पारे हावाए .. तोर प्रेमेर आसँना।
मुई त एक्टी तहरे साहारा ..आईचु तहरे भाँने,
रस(रंगेर बैँस महलाए .. आईचु गे तहरे ताने ।।
देख्वार ताने तोक लागे .. सौर्न्दर्य रसँना,
चिन्हुवार ताने तोक लागे ..भित्री प्रेमेर जखँना।
प्रकृति साँजाईचे तोक.. लताबृक्षर भाँने,
मुई त आसिचु प्रेम(भमरा .. तहरे गे ताने ।।
– जोगेन्द्र प्रसाद राजवंशी
कचनकवल -३, दल्की,झापा
हाल -मलेशिया
