हल्दिबारी न्यूज डेक्स- बिराटचोक / लाखौँ ठगी गरेको आरोपमा इटहरी बस्ने २७ बर्षीय सुस्मिता श्रेष्ठ थापा पक्राउ परेकी छिन् । इटहरीमा बसोबास गर्ने एक महिलाको उजुरीको आधारमा इलाका प्रहरी कार्यालय इटहरीले उनलाई पक्राउ गरेको हो।
धनकुटा नगरपालिका वडा नम्बर ५ घर भई इटहरीमा बसेर बिभिन्न मानिसहरुलाई ठगी गरेको भन्दै इटहरी प्रहरीले सोमबार थापालाई पक्राउ गरेको हो। थापाले इटहरी एवं आसपासका मानिसहरुबाट बिभिन्न प्रलोभन दिएर सयौँ मानिसहरुसँग करोडौँ रुपैँया संकलन गरेको बुझिएको छ।
कतिपय महिलालाई प्रलोभनमा पारेर श्रीमानलाई थाहै नदिई लाखौँ रुपैँया असुलेको र श्रीमानको डरले ती महिला कारवाहीको प्रकृयामा आउन नसकेको खुलेको छ।
