झापा, १८ असोज । झापाको बाह्रदशी गाउँपालिका–४ मुन्सी कामत टोलका ६२ वर्षीय मंगल सिंह मुर्मु घाघरा खोलामा डुबेर मृत्यु भएको छ ।
शनिबार बिहान करिब १०:३० बजे खोलो तर्ने क्रममा खुट्टा चिप्लिएर मुर्मु डुबेका थिए । स्थानीयले देखेर तत्काल उद्धार गरी घरतर्फ लैजाने क्रममा नै उनको मृत्यु भइसकेको जनाइएको छ ।
विज्ञापन (Advertisement)
घटनास्थल तथा शवलाई सुरक्षित राखिएको छ । थप अनुसन्धान र कानुनी प्रक्रिया पूरा गर्न इलाका प्रहरी कार्यालय अनारमनीका प्रमुख प्रहरी निरीक्षक रुपेश राईको कमाण्डमा SOCO टोली समेत खटिएको प्रहरीले जनाएको छ ।
पोष्टमार्टमपछि मृतक मुर्मुको शव उनका छोरा श्याम मुर्मुले जिम्मा बुझेर लगेको जिल्ला प्रहरी कार्यालय झापाले जनाएको छ।
