झापा, मंसीर ६ । दमकमा भएको जेनजी आन्दोलनका क्रममा इलाका प्रहरी कार्यालय दमकबाट लुटिएको हतियारका ११ राउन्ड गोली फेला परेको छ।
साँझ ६ः४० बजे दमक-७ स्थित मानव सेवा आश्रम नजिकैको भित्री सडक खण्डमा बेवारिसे अवस्थामा एसएलआर राइफलका ५ राउन्ड, इन्सास राइफलका ३ राउन्ड र ३०३ राइफलका ३ राउन्ड गोली फेला परेको प्रहरीले जानकारी दिएको छ।
जेनजी आन्दोलनका क्रममा इलाका प्रहरी कार्यालय दमकबाट कुल २० थान हतियार लुटिएको थियो। तीमध्ये ३ थान हतियार र ११ राउन्ड गोली फेला परेको छ भने अझै १७ थान हतियार र करिब ४ हजार राउन्ड गोली भेटिन बाँकी रहेको प्रहरीले जनाएको छ।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
