काठमाडौँ । आईसीसी टी–२० विश्वकप छनोट अन्तरगत नेपाल र ओमानबिचको फाइनल खेलमा दर्शकले पनि पुरस्कार जित्ने अवसर रहेको छ । नेपाल क्रिकेट संघ (क्यान) ले क्याच पक्रने दर्शकलाई २० हजार रुपैयाँ पुरस्कार दिने घोषणा गरेको हो ।
इलेक्ट्रोनिक कम्पनी एक्स एजले यो पुरस्कार दिने घोषणा गरेको हो । आजको फाइनल खेल नेपाल र ओमानबीच किर्तिपुरको त्रिवि अन्तर्राष्ट्रिय क्रिकेट मैदानमा हुँदैछ ।
आजको फाइनलमा पुगेसँगै नेपाल र ओमान दुवै आगामी वर्ष अमेरिका र वेष्ट इण्डिजमा हुने टि–२० विश्वकपका लागि छनोट भइसकेका छन् । त्यसैले यो खेल दुवै देशको लागि प्रतिष्ठाको खेल मात्र हुनेछ ।
