काठमाडौं । जर्मनीमा कोरोनभाइरस(कोभिड १९)विरुद्धको खोप भनेर आठ हजार जनालाई नुनपानी लगाइदिएको खुलासा भएको छ ।
जर्मनीको नर्थ सी नजिकै फ्रिसल्यान्डस्थित खोप केन्द्रमा आठ हजारभन्दा बढी मानिसलाई कोरोना खोपको सट्टा सलाइन पानी लगाइदिएको शंकापछि उनीहरुलाई कोरोना खोप लगाउन आग्रह गरिएको बीबीसीले जनाएको छ ।उक्त घटनाबारे त्यहाँको प्रहरीले अनुसन्धान पनि थालिसकेको छ ।
प्रहरी अनुसन्धानले आरोपित स्वास्थ्यकर्मीले फाइजरको खोप लगाउने धेरै मानिसलाई नुनपानी खोप लगाएको पुष्टि गरेको बीबीसीले जनाएको छ ।प्रभावितहरूमध्ये धेरै ७० वर्षभन्दा माथि उमेरका जोखिम समूहका मानिसहरू भएको बताइएको छ।जर्मनीका क्षेत्रीय प्रसारक एनडीआरका अनुसार आठ हजार ५५७ मानिसहरूलाई पुनः खोप लगाउनका लागि निर्देशन दिइएको छ।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
