झापा – सोमबार भएको जेनजी प्रदर्शनले देशभर ठूलो क्षति पुर्याएको छ।
विज्ञापन (Advertisement)
स्वास्थ्य तथा जनसंख्या मन्त्रालयका अनुसार, प्रदर्शनका क्रममा मृत्यु हुनेको संख्या १९ पुगेको छ भने ३ सय ४७ घाइते उपचाररत छन्।
मन्त्रालयले दिएको विवरण अनुसार, काठमाडौंका अस्पतालहरूमा मृत्यु संख्या यसरी छ:
सिभिल अस्पताल: ३
राष्ट्रिय ट्रमा सेन्टर: ८
एभरेष्ट अस्पताल: ३
केएमसी अस्पताल: २
त्रिवि शिक्षण अस्पताल: १
विपि कोइराला स्वास्थ्य विज्ञान प्रतिष्ठान: २
घाइतेमध्ये केहीको अवस्था गम्भीर रहेको बताइएको छ। स्वास्थ्य अधिकारीहरूले सबै अस्पतालमा आपतकालीन तयारी सतर्क राख्न अनुरोध गरेका छन्।
प्रदर्शनका कारण शहरका विभिन्न क्षेत्रमा तनाव उच्च रहेको छ। प्रहरी प्रशासनले सडक र भीड नियन्त्रणमा निगरानी कडा बनाएको छ।
