झापा, अर्जुनधारा । अर्जुनधारा नगरपालिका–१०, पञ्चकन्या टोलस्थित केदार ढुङ्गेलको तिनतले घरको भुईँतल्लामा भदौ १८ गते राति करिब ९:१५ बजे आगलागी भएको छ।
स्थानीय प्रहरी टोली, स्थानीयबासी तथा मेचिनगर नगरपालिकाको दमकलको सहयोगमा करिब ९:५० बजे आगो नियन्त्रणमा ल्याइएको प्रहरीले जनाएको छ।
विज्ञापन (Advertisement)
विद्युत् सर्टका कारण भएको आगलागीबाट घरको टिभी कोठामा रहेको १ थान टेलिभिजन र १ थान दराज जलेर नष्ट भएको र करिब दुई लाख रुपैयाँ बराबरको क्षति भएको अनुमान गरिएको छ। यस घटनामा मानवीय तथा चौपाया क्षति भने नभएको जनाइएको छ।
