झापा, १९ कात्तिक । झापामा वेवारिसे अवस्थामा हतियार फेला परेको छ। बिहीबार दिउँसो बिर्तामोड नगरपालिका–६, सुगम शान्ति टोलको तोरीवारी नजिक सिमल–तरुलको झाडीमा इन्सास हतियार १ थान, म्याग्जिन १ थान र २१ राउण्ड गोली (सावुत १९, वेसावुत २) फेला परेको प्रहरीले जनाएको छ।
फेला परेको हतियार २४ गतेको जेन–जी आन्दोलनको क्रममा इप्रका अनारमनिबाट लुटिएको थियो। बरामद हतियार अहिले इप्रका अनारमनिमा राखिएको छ र थप अनुसन्धान जारी रहेको छ।
विज्ञापन (Advertisement)
प्रहरीका अनुसार, इप्रका दमक र बिर्तामोडबाट लुटिएका अझै २२ वटा हतियार फेला पारिन बाँकी छन्।
