झापा, २०८२ साउन ५ गते । झापा जिल्लाको कचनकवल गाउँपालिका–६, बनियानीस्थित रतनलाल राजबंशीको घरमा आज बिहान करिब ९:५५ बजे ग्यास लिकेजका कारण आगलागी भएको छ। खाना पकाउने क्रममा भान्सा कोठामा रहेको सिलिन्डरबाट ग्यास लिक भएको र सोही कारण आगलागी भएको जानकारी प्राप्त भएको छ।
घटनाको खबर प्राप्त हुनासाथ प्रहरी टोली तत्काल घटनास्थलमा खटिएको थियो। स्थानीय बासिन्दा र प्रहरीको सक्रिय सहयोगमा आगो करिब १०:३० बजेतिर पूर्णरूपमा नियन्त्रणमा लिइएको इलाका प्रहरी कार्यालयले जनाएको छ।
आगलागीका कारण घरमा रहेको फ्रिज १ थान (मूल्य रु ३०,०००), पानी तान्ने मटर १ थान (रु ८,०००), जस्तापाता (रु १०,०००), र ग्यास चुलो १ थान (रु २,५००) जलेर नष्ट भएको छ। कुल क्षति अनुमानितरूपमा रु ५०,५०० रहेको छ।
सौभाग्यवश, घटनामा कुनै मानविय तथा चौपायाको क्षति भएको छैन। प्रहरीले आगलागी सम्बन्धी थप अनुसन्धान गरिरहेको छ।
