काठमाडौं । अभिनेता निखिल उप्रेती र अभिनेत्री सञ्चिता लुईंटेलले छोरा अथर्व उप्रेतीले ‘नाईं नभन्नू ल ६’ फिल्म मार्फत बाल कलाकारको रूपमा डेब्यू गर्न लागेका छन् ।फिल्ममा उनी नव अभिनेता आर्शिवाद क्षेत्रीको बाल्यकालको भूमिकामा देखिनेछन् ।
निर्देशक विकासराज आचार्यले अथर्व‘नाईं नभन्नू ल ६’ मा अभिनय गराउन लागेका हुन् । अथर्वले अभिनय गर्ने इच्छा देखाएपछि निखिल र सञ्चितासँगको सहमतिमा फिल्म खेल्न लागेका हुन् ।
नाईं नभन्नू ल’ को दोस्रो श्रृंखलादेखि अनुभव रेग्मी बाल कलाकारको रुपमा देखिँदै आएका थिए । तर, यसपटक भने बालकलाकारको रुपमा अभिनय गर्न नसुहाँउदो भएकाले फिल्ममा अनुभव रेग्मी केमियो भूमिमा देखिने भएका छन् ।फिल्ममा अभिनेत्री आँचल शर्माको जोडीको रूपमा आर्शिवाद देखिनेछन् ।
