बहराइनका राजकुमारले चढे लोबुचे हिमालको शिखर

नेपालमा घुमफिर तथा हिमाल चढ्न आएका बहराइनका राजकुमारले आज ६ हजार १ सय १९ मिटर अग्लो लोबुचे हिमालको शिखर चढेका छन् । आरोहणको व्यवस्थापन गरिरहेको सेभेन समिट ट्रेकले ट्विटरमा फोटो राख्दै हिमाल चढी सकेको जानकारी गराएको हो ।

भदौ ३१ गते १८ जना टोली बोकेर लोबुचे र मनास्लु हिमाल आरोहणका लागि राजकुमार नेपाल भित्रिएका थिए । उक्त टोलीमा ३ जना बेलायती र १५ जना बहराइनका नागरिक रहेका छन् ।

भदौको १४ गते नेपाल सरकारले उक्त टोलीलाई नेपालमा २ महिना सम्म यहीँ रहि हिमाल चढ्न अनुमति दिएको थियो । उनीहरूलाई हिमाल चढ्न शेर्पा गाइडहरूले सहयोग गरीरहेका छन् ।