हल्दीबारी । राष्ट्रिय स्वतन्त्र पार्टी (रास्वपा)ले आगामी निर्वाचनमा नयाँ र विचार मिल्ने स्वतन्त्र व्यक्ति, समूह र पार्टीहरूसँग गठबन्धन गर्ने सम्भावना खुला राखेको छ।
चितवनमा भएको विस्तारित बैठकमा प्रस्तुत राजनीतिक प्रतिवेदनअनुसार, रास्वपा गठबन्धन गर्दा आफ्नो पहिचानमा असर नपर्ने सुनिश्चित गर्न चाहन्छ।
प्रतिवेदनमा भनिएको छ, “आउँदो चुनाव प्रतिगामी र अग्रगामीबीच निर्णायक संघर्ष हुनेछ। नेतृत्वदायी नतिजा नआए देश पुरानै दलहरूको कुशासनको भार सहनु पर्नेछ।”
पार्टीले उम्मेदवार छनोट प्रक्रियालाई पारदर्शी र लोकतान्त्रिक बनाउने प्रतिवद्धता पनि व्यक्त गरेको छ। प्रतिवेदनअनुसार, “यसले पार्टीभित्र समूहगत विभाजन रोकिनेछ र जनस्तरमा सकारात्मक सन्देश जानेछ।”
