ढडुवा एफसी हल्दिबारी गाउँपालिकाको आयोजनामा भइ रहेको प्रथम ढडुवा गलाउ मेचे स्मृति कप नकआउट फुटबल प्रतियोगिताको आज भएको खेलमा भद्रपुरको विशालपुर एफसीमाथि सैनिकले जित निकाल्न सफल भएको छ ।
यो सगै सैनिकले आफ्नो स्थान अन्तिम चारमा पक्का गरिसकेको छ।
प्रतिस्पर्धात्मक खेलमा सैनिकका लागि समिर गुरुङले गरेको गोल नै निर्णायक बनेको थियो । खेलको १०औँ मिनेटमा समिरले गोल गरेका थिए । खेलको म्यान अफ दी म्याच सैनिकका उत्सव राई बन्न सफल भए ।
सो प्रतियोगितामा मंगलबार आयोजकको बी टिम सँग गोलधाप एफसी हल्दिबारीले अन्तिम क्वाटरफाइनल खेलमा प्रतिस्पर्धा गर्नेछ ।
स्व गलाउ मेचेको पत्नी चन्द्रा माया मेचेको सभाअध्यक्षतामा चलिरहेको कार्यक्रममा आज प्रमुख अतिथी हल्दिबारी-४ का वडा अध्यक्ष सन्तकुमार थापा मगर रहेका थिए भन्ने कार्यक्रमको संचालन एवम सहजीकरण अभिषेक खतिवडाले गरिरहेका छन।
