झापा, हल्दीबारी । संघीय मामिला तथा सामान्य प्रशासन मन्त्रालयले आर्थिक वर्ष २०८१/८२ को स्थानीय तह संस्थागत क्षमता स्वमूल्याङ्कन (लिजा) को नतिजा सार्वजनिक गरेको छ। मूल्याङ्कनले झापाका सबै स्थानीय तहहरूको शासकीय क्षमता, वित्तीय प्रबन्ध, सेवा प्रवाह, सामाजिक समावेशीकरण र वातावरण तथा विपद् व्यवस्थापनमा आधारित प्रदर्शन देखाएको छ।
यस वर्ष हल्दीबारी गाउँपालिकाले ६८.२५ अंक प्राप्त गर्दै मध्यवर्ती स्थिति कायम गरेको छ। विशेषज्ञहरूले यस अंकलाई सुधारको सम्भावना रहँदै चुनौतीहरू अझै बाँकी रहेको संकेतको रूपमा व्याख्या गरेका छन्।
उक्त मूल्याङ्कनमा कनकाई नगरपालिका प्रथम (८६ अंक), दमक नगरपालिका दोस्रो (८३.२५ अंक), र भद्रपुर नगरपालिका तेस्रो (८१.५० अंक) स्थानमा पुगे। अन्य स्थानीय तहहरूको क्रम यस प्रकार छ: मेचीनगर र बिर्तामोड (७५.५०), शिवसताक्षी (७५), कमल र गौरादह (७४.५०), बुद्धशान्ति (७३.५०), बाह्रदशी (७१.७५), झापा गाउँपालिका (७०.५०), गौरादह (६८.७५), हल्दीबारी (६८.२५), अर्जुनधारा (६५.७५), र कचनकवल गाउँपालिका अन्तिम (६४.५०)।
मन्त्रालयको लिजा मूल्याङ्कनले स्थानीय तहको प्रशासनिक क्षमता, वित्तीय पारदर्शिता र सामाजिक समावेशीकरणमा सुधार र चुनौतीहरूको स्पष्ट तस्वीर प्रस्तुत गरेको छ।
