( बिसंगती कविता )
प्रेमते बाँन्धिए .. फुस्की बाँन
कुन हाते गे ..निर्लाजी तुई खुलालो?
हिँयासे जरिस्नु मुई .. प्रितेर बाँन
प्रित मोर केङकरे .. तुई भुलालो ।।
कसम खाए महके .. सँपिस्लो जान
भार्सा दिए केङकरे .. तुई हारालो?
प्रेमते बनिस्लो त .. सावित्री सत्यबान
बिचते, डेन्डा गाँजाए ..केङकरे उरालो ।।
काँह करिल प्रेमेर .. ना चखुदान,
नजरकाँटी हए .. मनडा तुई घुरालो?
मँहकते मँल्मलाचे .. बास्मतीर धान
ना धनेर हावा पाए .. अईतिर उरालो।।
दिबाए मेनाईस्ले जदि .. तोक पिछु टाँन,
मोक गँहटाए प्रेमते .. क्या तुई घुरालो ?
टुपकरे मोर मायाक .. बिछिए फिकाए
निर्लाजी हए मनसुवाला .. तोर पुरालो।।
* जोगेन्द्र प्रसाद राजवंशी *
कचनकवल :- ३, दल्की झापा
हाल :- मलेशिया
