बिराटनगर, असार २३ । मोरङको छुट्टा छुट्टै दुई स्थानमा सवारी दुर्घटना हुँदा तीन जनाको मृत्यु भएको छ ।
हिजो बेलुका ८ बजे मोरङको लेटाङ नगरपालिका-३ भित्री सडक खण्डमा प्रदेश न.१-०२-००२ च ४१७३ नम्बरको बोलेरो पिकअप गाडीले बिपरीत दिशाबाट आउदै गरेको प्रदेश न.१-०२-००३ ह १३१२ नम्बरको अटोलाई ठक्कर दिदा घाईते भएका अटो चालक कानेपोखरी गाउँपालिका-६ का ३५ बर्षीय सागर तामाङको मदान भण्डारी ट्रमासेन्टर मंगलबारेमा र अटोमा सवार कानेपोखरी-८ की ८ बर्षीया रोशनी मगरको गोल्डेन अस्पताल बिराटनगरमा उपचारको क्रममा मृत्यु भएको प्रहरीले जनाएको छ ।
त्यसै गरी कानेपोखरी गाउँपालिका-७ रंगेली सडक खण्डमा प्रदेश २-०१-००३ प ४९३५ नम्बरको मोटरसाईकल आफै अनियन्त्रित भई दुर्घटना हुदाँ मोटरसाईकल चालक सिराहा लाहानका २५ बर्षीय सन्तोष भुजेलको ट्रमासेन्टर उर्लाबारी मंगलबारेमा उपचारको क्रममा मृत्यु भएको छ भने मोटरसाइकलमा पछाडी सवार ३० बर्षीय बिरेन्द्र मगरको नोबेल अस्पाताल बिराटनगरमा उपचार भईरहेको प्रहरीले जनाएको छ ।
ठक्कर दिने बोलेरो पिकअप गाडी र चालक लेटाङका ४१ बर्षीय सन्तोष घिसिङलाई नियन्त्रणमा लिई थप अनुसन्धान भइ रहेको ईलाका प्रहरी कार्यालय लेटाङले जनाएको छ ।
