देश जलिरहेछ
निर्दोश आमालाई जिउँदै जलायौ ,
वृद्ध आमालाई सडकमा रमिता बनायौ
कस्तो देश बनाउछौ युवा ?
सिंह दरबार जलायौ , सर्वोच्च अदालत जलायौ
संसद भवन जलायौ ,सरकारी कार्यालय जलायौ
सारा घर जलायौ ,
भ्रष्टाचारी , बलात्कारी ,हत्यारा ,
चोर , डाका , जेलबाट भगायौ
तिमीले कस्तो देश बनाउँछौ युवा ?
आफैं चढ्ने विद्यालयका गाडी जलायौ
वृद्ध बा आमा बस्ने घर जलायौ ,
सुरक्षाकर्मी ढलायौ बैंक लुटायौ ,
भाट भटेनी जलायौ
निजी र सरकारी देशको सम्पत्ति जलायौ ,
खरानी बनायौ , देश रोइरहेछ आज ।
विद्यार्थी तिमीलाई त गुरुले यस्तो शिक्षा
दिएको थिएन होला
युवा तिमीलाई त आमाबुवाले यस्तो सिकाएको थिएन होला
आफ्ना कर्तव्य बिर्सियौ
आदर , सम्मान देशको माया विर्सियौ
त्यसैले त आज सबै जलायौ
कस्तो देश बनाउँछौ Gen -zयुवा ?
सिंहदरबार ,सरकारी र निजी सम्पत्ति खरानी बनाउँदा
तिमी त ताली बजाएर हाँस्यौ होला
के अबका युवा नेता र मन्त्री भ्रष्टाचारी बन्दैनन् होला ?
शान्ता उप्रेती
२०८२ / ०५ / २५
