म बोल्नु पहिले शब्दलाई तौलिने छ
म आफै बोल्दिन मेरो गीत बोल्ने छ ।
भीड़भाड़ , उत्सव,मेला आदी हुँइन म
मारपीट,लुट मच्चाउने फसादी हुँइन म
हाम्रो गीतले तन-मनको राज खोल्ने छ
म आफै बोल्दिन मेरो गीत बोल्ने छ ।
निज भाव,शब्दको काव्य मालामा उनेर
मार्मिक सृजन लेख्ने छु अश्रुले भिजाएर
वीर रस गीतले सबैको रक्त उम्लिने छ
म आफै बोल्दिन मेरो गीत बोल्ने छ ।
दिलको हरेक आरजू लेखु गीत बोल्ने छ
रोमान्सको ग़ज़लमा प्रेम फूल खिल्ने छ
प्रकृति प्रगीत फूलमा भंवरॉ खेल्ने छ
म आफै बोल्दिन मेरो गीत बोल्ने छ ।
केही लोक केही परलोकको वार्ता हुने छ
केही प्रसन्नता केही शोकको चर्चा हुन्छ
मेरो गीतले गाडेको मुर्दालाई खोदने छ
म आफै बोल्दिन मेरो गीत बोल्ने छ ।
जो मेरो वाणीले भन्दैन लेखेर भन्ने छ
असत्य,हिंसा अधर्म विरुद्ध लेखिने छ
सबैको दिलमा भक्ति रस घोल्ने छ
म आफै बोल्दिन मेरो गीत बोल्ने छ ।
– देवेन्द्र किशोर ढुङगाना
भद्रपुर, झापा
