राष्ट्र बचाउ अभियान तहत पुर्व-घोषित दोस्रो चरणको देशव्यापी आन्दोलनका कार्यक्रमहरुमा उल्लेखनीय उत्साहजनक स्वस्फूर्त जनसहभागिताका लागि सबैलाई हार्दिक धन्यवाद अर्पण गरेको छ ।
आज सम्पन्न “राष्ट्रिय जनतान्त्रिक गठबन्धन” को सचिवालयको भर्चुअल बैठकको निर्णय र आम जनभावनाको उच्च-कदर/सम्मन गर्दै, दोस्रो चरणका घोषित कार्यक्रमहरुलाई नै मिति २०७७/०३/१० गतेसम्म निरन्तरता दिन हामी सम्पूर्ण कार्यकर्ता, नेता, शुभेच्छुक, समर्थक, सहयोगी सबैलाई आग्रह सहित सु-सुचित पनि गर्दछौं प्रेस नोटमा भनिएको छ ।
डा, मनोज मुक्ति बिबेक ब्दारा हस्ताक्षरित उक्त प्रेस नोटमा कोरोना महामारी र त्यसबाट पर्नसक्ने स्वास्थ प्रतिकुलतालाई मध्यनजर गर्दै शारीरिक दुरी कायम राख्दै आम देशभक्त नेपालीलाई जो जहाँ हुनुहुन्छ, त्यही बाट राष्ट्र, राष्ट्रियता, राष्ट्रिय स्वाधीनता, राष्ट्रको अस्मिता, राष्ट्रिय एकता, सार्वभौमसत्ताको रक्षा र देश-बेचुवा राष्ट्रघातीहरुको विरुद्ध गरिएको यस महा-युद्धको शंखनादमा राष्ट्रिय झण्डा बोकी घर-घर, टोल-टोलबाट सक्रिय भुमिका निर्वाह गर्न सबैलाई अपील गररिएको छ !
प्रेस नोटमा भनिएको छ ‘अब नेपाल बचाउने अभिभारा, दायित्व, कर्तब्य र जिम्मेवारी आम नेपालीको काँधमा आईपरेको यथार्थलाई हामी सबैले आत्मसात गर्नैपर्ने हुन्छ, नेपाल रहे मात्र हामी नेपाली रहन्छौँ सबैलाई चेतना भया !’
