काठमाडौं । प्रतिनिधिसभाको सभामुख पदका लागि डीपी अर्याल ले उम्मेदवारी दर्ता गरेका छन्। उनी सिंहदरबार स्थित संघीय संसद् सचिवालय पुगेर उम्मेदवारी दर्ता गराएका हुन्।
अर्यालको उम्मेदवारीमा रवि लामिछाने प्रस्तावक रहेका छन्। यस्तै, समर्थकमा स्वर्णिम वाग्ले, सोबिता गौतम र सुनिल लम्साल रहेका छन्।
सभामुख निर्वाचन कार्यतालिका अनुसार शुक्रबार बिहान ११ बजेदेखि दिउँसो २ बजेसम्म उम्मेदवारी दर्ताको समय तोकिएको थियो। दर्ता भएका उम्मेदवारहरूको नामावली दिउँसो २ः३० बजे प्रकाशन गरिनेछ।
सभामुख चयनका लागि आइतबार (चैत २२) निर्वाचन हुने तय गरिएको छ।गत फागुन २१ मा सम्पन्न प्रतिनिधिसभा सदस्य निर्वाचनमा राष्ट्रिय स्वतन्त्र पार्टीले बहुमत हासिल गरेको थियो।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
