हल्दीवारी l झापा गाउँपालिकामा अध्यक्ष र उपाध्यक्ष दुवै पद नेपाली कांग्रेसले जितेको छ । गाउँपालिका अध्यक्षमा दोस्रो कार्यकालका लागि जयनारायण शाह र उपाध्यक्षमा अञ्जुदेवी थपलियाले जीत हासिल गरेका छन् l
शाहले ६ हजार ७९८ मत प्राप्त गर्नुभयो । उहाँका निकटतम प्रतिस्पर्धी एमाले का गौरीशङ्कर राजवंशीले चार हजार ३६५ मत प्राप्त गर्नुभयो । उपाध्यक्षमा निर्वाचित थपलियाले पाँच हजार ८६८ मत प्राप्त गर्नुभयो । उहाँका निकटतम प्रतिस्पर्धी एमालेका उम्मेदवार देवीमाया अधिकारीले चारहजार ३७१ मत प्राप्त गर्नुभयो ।
सात वटा वडा रहेको यो पालिकामा पाँच वडामा वडाध्यक्षसमेत कांग्रेसले नै जीत हासिल गरेको छ । दुई वडामा भने स्वतन्त्र उम्मेदवारले जीत हासिल गरेका छन् । वडा नं ३ मा सुभासलाल गणेश, वडा नं ५ मा कृष्णप्रसाद राजवंशी, वडा नम्बर १ मा कांग्रेसबाट राजकुमार यादव निर्वाचित भएका छन् l
त्यस्तै वडा नं २ मा कांग्रेसबाट हिमालकुमार चम्लगाईं, ३ मा स्वतन्त्र उम्मेदवार सुभासलाल गणेश, ४ मा कांग्रेसका महमत ताहिर, ५ मा स्वतन्त्र उम्मेदवार कृष्णप्रसाद राजवंशी, ६ मा कांग्रेसबाट नवीनकिशोर थापा र वडा नं ७ मा शखीचन्द्र ठाकुर निर्वाचित भएका थिए l
