सुर्खेत ,आषाढ १८ । सुर्खेतबाट कालीकोटका लागि छुटेको एक यात्रुवाहक हाइस माइक्रोबस दैलेखमा दुर्घटना भई कर्णाली नदीमा खसेको छ। दैलेखको चामुण्डाबिन्द्रासैनी नगरपालिकास्थित साङ्गेतडा भन्ने स्थानबाट कर्णाली ०३–००१ ख १०५५ नम्बरको उक्त हाइस सडकबाट करिब ५०० मिटर तल नदीमा खसेको प्रहरीले जनाएको छ।
घटनाको जानकारी पाउनासाथ प्रहरी र सुरक्षाकर्मीको टोली तत्काल घटनास्थलमा पुगेर उद्धार तथा खोजी कार्य सुरु गरिसकेको छ। नदीमा खसेको हाइस र त्यसमा सवार यात्रुहरूको खोजी कार्य तीव्रताका साथ भइरहेको छ।
गाडी के कति कारणले सडकबाट तल खस्यो र दुर्घटनाको समयमा गाडीमा कति जना यात्रुहरू सवार थिए भन्ने कुरा अहिलेसम्म खुल्न सकेको छैन। घटनास्थलमा खटिएका सुरक्षाकर्मीहरूले बेपत्ता गाडी र यात्रुहरूको खोजी गरिरहेका छन् भने घटनाको विस्तृत विवरण आउन अझै बाँकी छ। एआइबाट निर्मित सांकेतिक तस्वीर
