काठमाडौं।– सर्वोच्च अदालतका पूर्वन्यायाधीश गौरीबहादुर कार्की नेतृत्वको कार्की आयोगले तयार पारेको प्रतिवेदनप्रति नेपाल बार एसोसिएसनले आपत्ति जनाएको छ। प्रतिवेदनमा न्यायालय र कानुन व्यवसायप्रति नकारात्मक टिप्पणी गरिएको उल्लेख गरिएको छ।
नेपाल बारका महासचिव केदारप्रसाद कोईरालाका अनुसार, प्रतिवेदनले न्यायालयको छवि र वकिल पेशालाई नकारात्मक असर पुर्याउने खालको छ। बारले आफ्नो क्षेत्राधिकार बाहिर गएर न्यायालयसम्बन्धी विषय उठाइएको भन्दै असहमति जनाएको छ।
प्रतिवेदनमा वकिलको ‘फि’, न्यायमा पहुँचको अभाव, र महँगो न्याय प्रक्रियाबारे उल्लेख गरिएको छ। नेपाल बारले सल्लाहकार समिति र संवैधानिक समितिको बैठक बोलाएर यसबारे गम्भीर छलफल गर्ने तयारी गरेको छ।
बारको भनाइमा, “सर्वसाधारणले न्याय पाउन कठिनाइ भोगिरहेका छन्। पहुँच र पैसा नहुनेका लागि न्याय धेरै टाढाको विषय भएको छ,”।
