राजवंशी भाषिक कविता : “दो-रक्ठिया माया”
दो-रक्ठिया , माया मोर .. मारचाँङ् बाँनिचे
पिछुती झुलाईचे पर्छती .. मोरसँगे गाँन फाँनिचे।
मोरसँगे हात-हियाली .. उहाँर सँगे सपन खियाली
चखुत बालुर झिँसा दिए ..आलीर बड् बान बाँनिचे।
मोर बादे गेछार पेल्ता .. उहाँर बादे अगरबत्ती
सेई मायाक पुजुवार बादे .. दुईरा थान फाँनिचे ।
एकटाक दिल आघ्रा .. दस्रासे करे बार्हबाहान,
कलित माया नुकुवार .. दुनियाँक मेहमान ठाँनिचे।
मायाते , रुप काँछिए .. केइती बेनालो रे भगवान?
दो-रठीया मायात् हेतान .. मायार दकान फाँनिचे।
जोगेन्द्र प्रसाद राजवंशी
कचनकवल :- ३, दल्की, झापा
हाल :- मलेसिया
