राजवंशी भाषिक कविता: “बाध्यता”
हिदर नेताला हामार , देशटाक गो बेचेचे
हुदर बापमाअला , जिहापुतालाक बेचेचे।
जापान ,अमेरिका करे समाजत , देछे गो धाँमाल
हाय रे हाय कलिजुगेर , केनंति गो यिड दामाल !!
धन भाँसाए टाँका कुर्हुवार , कि आसिल गो आपत्ति?
बुद्धियार आगुती निबुद्धियार , किखान परिल गो बिपत्ति।
जिहापुतार बिने गाँअघरला , हबेना कि गो आकाल ?
हाय रे हाय कलिजुगेर , केनंति गो यिड् दामाल !!
बापमाअला जलिए खटिए , जिँहापुतालाक पुसेचे
लेखाए पढाए भट्भट् करे , पथलेर पाहार बुकेचे।
डिग्री पढाए देशेर आगुती , हईचे गो केने जान्जाल ?
हाय रे हाय कलिजुगेर , कनंति गो यिड् दामाल ??
मायेर कुलेर धरम-संस्कार , बाफेर कुले संस्कृति
काँहे बचाबे जात-भाषाला , काहे बचाबे बेथिती।
बाहिरा संस्कृति ढुकिएने , हबेना कि गो छाँङ्गाल
हाय रे हाय कलिजुगेर , केनंति गो यिड् दामाल ।।
बाँकीला पाछुत …….
जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया
