राजवंशी भाषिक कविता: “बालुर बान”
खेब्रिए जाछे , मायार बानड्
आँच्काते , फाटिए जाले ?
धाद्नीलाअ , हेद्लिए परेचे
बँहाती , पानीर ताले ।।
छटयते खेलाईस्न , बालु-बालु,
आझीना बुझ्नु , गे काथा ?
बालुर बान , कोधोएना टिके
आझी देखाएदिलो , गे मायार नाता।।
दुई भागे , दुई किनारा बेनाए
मायाक बेनालो गे , मान्छी हाँसा ?
मुई हिपार , तुई उपार करे
बुकते दिए रहलोगे , अग्नीर झाँसा ।।
देख्बे कहबे , दुनियाँर लोक्ला,
मायाते हबाए लागे , एनङ् दाशा।
भासिए जाछु आझी , मायार दुनियाँसे,
तोर जिन्दगीसे , हचु गे उठिबासा ।।
भुल्वा निपाईस , तुई जदि मोक
मोर कोधोएना , करिस गे आशा।
काम्छारए एकदिन , चम्काबेकुन
जैखान मायाते , करालो गे दुर्दशा ।।
जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया
