राजवंशी भाषिक कविता : “मेघुवा रानी”
मेघुवा रानी गे .. मेघुवा रानी,
एक-पँस् हाथत .. पानी दे ।
बदलीर भित्रत छे .. तोर घर,
झँम्झमाए बर्षा ..फाँनी दे ।।
झोए-झोए खेलामु .. तोर सँगे,
देहार नुआ भिजाए .. साँनी दे।
आफ्ने घँसामु मुई .. देहा -गत्तर,
मोर माँअर लाखा .. आझी बनी दे।।
साअन महिनात .. भुई खर-खर,
माँच-काँखरेर घरला .. बानी दे ।
सुकाए जाछे , लदी .. खेत-पाथार
काल्-काल् बदलीला .. तुई आँनी दे ।।
गिर्हसेर मन् .. ना करेक भेर्वेसा,
जल भराए ..खेतबारीला झाँनी दे।
डेन्डा सुकाचे .. चेअनत गोरोलेर
झँम्झमाए वर्षा .. फाँनी दे ।।
जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया
