राजवंशी भाषिक कविता : “लख्खी सेवा”
काली त हए .. गाए/गरु-बाँखर
आझी सेन्जाते .. खेलाई हुकाँहुकी।
गर्यामाता जे पुहाले .. सँकालेर बेला
शोरा- शोरा करिया .. उठिया डाँकी।।
घरते पँन्जिचे ..माँ लख्खी सेवा ,
गय-ग्रामलाक त .. जगाए राखी।
पिता- पुर्खाए जे .. सिर्जिचे साधना
कतये करम हामा .. बाँकी ना राखी।।
असुर बिराजे जे .. धन-धाँनेर शिशत
बिधीर खली/बचलाक .. कुटिए त राखी।
पँका- माँकरलाक .. दुर फेलाए
लख्खी माँक शोरा-शोरा .. करिए डाँकी।।
गर्या-माता जे .. अन्छाए उझानीर बेला ,
आन्ँ गे आन्ँ .. काठ्ठा आर ढाँकी।
आझीए त हए .. लख्खीर सेवा ,
घर साँन्धाले .. सन्ज्रिबे खेतीपाती।।
कचनकवल :- ३, दल्की झापा
हाल :- मलेसिया
