बिसंगति कविता
चँखु से जे .. निक्लिल लोए ,
मोर दुखखान .. निबुझिल कोए?
दुखीया नाँक से .. निक्लिल लोए ते
लोक्ला , सिँङाली भेल्टा .. कहे दिले जोए।।
झिमझिम करे .. मेघ से बर्षिल पानी ,
देहा मोर भिजिए .. होल थोए-थोए।
नाँक ते ढुकिल .. सेइ झरी-वर्षा ते,
मोक ओझोतेर छाँतीरअ .. निदिले कोए ??
मालिक गँछाए दिले .. कामेर जिम्मेवारी
लागाए दिए .. रहले महके टोए ?
गाँलारे हाँसारीते .. चम्काए-दँम्काए,
मोर सर्दी बुखार खान .. निदेखिल कोए ??
दाबाई खाबा चाहानु .. गरम पानी खाँ कहचे
डाक्टर खाना देखाले .. ना मोक कोए ?
मालिक कहचे .. यिला छट हए बेमारी
ठँक्नाए , आल्सिया .. कहे उठाले बोए।।
माटीर देहा मोर .. खुट्टार देहा बनिल ,
देहा गलाए .. मुछानु रे गरीबेर लोए।
दरिद्रता अभावते छे .. मोर बिबशता
मुई गरीबक .. दया करुवार निछे कोए।।
कचबकवल :- ३, दल्की झापा
हाल :- मलेसिया
