भरतपुर महानगरपालिकाको मेयरमा माओवादी केन्द्रकी रेनु दाहालले २० हजार मत कटाएकी छन् ।पछिल्लो मतपरिणाम अनुसार कुल ५४ हजार ४२ मत गणना भएकोमा रेनुले २० हजार ४९२ मत ल्याएकी हुन् । उनका निकटम प्रतिद्वन्द्वी नेकपा एमालेका विजय सुवेदीले १७ हजार १८२ मत ल्याएका छन् । यस्तै, स्वतन्त्र उम्मेदवार जगन्नाथ पौडेलले ७८८२ मत प्राप्त गरेका छन् ।
उपमेयरमा कांग्रेसका चित्रसेन अधिकारीले २२ हजार ९५२ मत पाएका छन् । उनका प्रतिस्पर्धी राप्रपाकी हिमला गुरुङले १३ हजार ६४६ मत पाएकी छन् । भरतपुर महानगरमा वडा नं १, २, ४, ५, ६, ८ र १० मा कांग्रेस, वडा नं ७ र ९ मा नेकपा ९एकीकृत समाजवादी० तथा वडा नं ३ मा एमाले विजयी भएको छ ।
वडा नं ११ र १२ को मत गणना भइरहेको छ । ती दुवै वडामा एमाले अगाडि रहेको छ । भरतपुर महानगरपालिकामा एक लाख २७ हजार ८३९ मत खसेको थियो ।
