हल्दिबारी, २१ कार्तीक । नेपाली कांग्रेसका नेता तथा प्रतिनिधिसभा सदस्य झापा ३ का उम्मेद्धार कृष्ण प्रसाद सिटौलाले लोकतन्त्रको रक्षा र प्रेस स्वतन्त्रताको लागि यो निर्वाचनमा पत्रकारहरुले आफुलाई सहयोग गर्नु पर्ने बताएका छन ।
आज झापाको भद्रपुरमा आयोजित पत्रकार भेटघाट कार्यक्रममा नेता सिटौलाले यस निर्वाचन पछि देशमा दिगो बिकास शान्ति हुने हुँदा सवै लोकतन्त्रवादी मिलेर सयौंको बलिदानबाट प्राप्त गणतन्त्रलाई रक्षा गर्न लाग्नु पर्ने बताएका छन । पत्रकारहरुले सोधेको प्रस्नको जवाफ दिदै उनले यस क्षेत्रमा लोकतन्त्रबादी र राजाबादीको बिच चुनाव हुने हुँदा विश्वको ध्यान समेत यहाँ रहेको र आफुलाई गणतन्त्र र लोकतन्तको हिमाइती भन्ने एमालेले राज संस्थाको वकालत गर्ने राप्रपाका अध्यक्ष राजेन्द्र लिङ्गदेनलाई बोकेर हिडेको प्रति दुःख समेत ब्यक्त गरेका छन ।
पत्रकारहरुको जवाफ दिदै उनले संघिय, लोकतान्त्रीक गणतन्त्रको संस्थाका बिकास ५ बर्षमा गर्न सकेनौ संविधानले जे जति अधिकार सबै क्षेत्रको जनतालाई दिएको छ त्यो अनुसार सरकारले काम गर्न नसकेको उनले बताएका छन । जनताले अपेक्षा गरे अनुसार शिक्षा, स्वास्थ्य ऐन आउन नसक्नु किसान, श्रमिकहरुको लागि विशेष ऐन आउन नसक्नु सरकारको कमजोरी रहेको उनको भनाई थियो ।
शान्ति प्रक्रिया, संविधान निर्माण, २०४६ देखिका सवै आन्दोलनमा महत्वपुर्ण भुमिका खेल्दा खेल्दै आफुले राजावादि संग चुनाव हार्नु परेको तितो सत्य समेत पत्रकार सामु ब्यक्त गरे । परिवर्तन को लडाइमा संग संगै हिडेका एमालेले आफुलाई हराउन राजाबादीलाई काधमा राखेर हिडेको प्रति उनले दुःख ब्यक्त गरे । त्यसैले लोकतन्त्रमाथीको प्रहार, प्रेस स्वतन्त्रता माथिको प्रहारलाई रोक्न संचारकर्मीहरुको महत्वपुर्ण भुमिका हुने हुदा सहि सुचना विश्लेषण गरि राजाबादिहरुको मुकुण्डो जनतासामु ल्याउनु पर्ने उनको जोड थियो ।
उनले लिङ्देन प्रति इङ्गीत गर्दै भने एमालेको साथ लिएर निर्वाचित साम्सदका कारण बिकास निर्माण र राष्ट्रिय योजनाबाट शन्य भएको यो क्षेत्रको बिकासका लागि समेत आफुलाई सबै गणतन्त्रबादीहरुले मतदान गर्नेमा आफु विश्वस्त रहेको बताएका छन ।
