काठमाडौं । फिफा विश्वकपको तयारीमा ठूलो संख्यामा मजदूर मारिएको विश्वकपको आयोजक देश कतारले स्वीकार गरेको छ ।
पहिलो पटक विश्वकपको तयारीमा ४०० देखि ५०० कामदारको मृत्यु भएको पहिलो पटक कतारका एक उच्च अधिकारीले स्वीकार गरेका छन् । कतारका शीर्ष नेता हसन अल थावादीले बेलायती पत्रकार पियर्स मोर्गनलाई दिएको अन्तर्वार्तामा ठूलो संख्यामा कामदार मारिएको स्विकार गरेका हुन् ।
अङ्ग्रेजी पत्रिका बिजनेश स्ट्यान्डर्डमा प्रकाशित समाचारका अनुसार ति उच्च् अधिकारील्े यो संख्या करिब ४ सयदेखि ५ सयको हाराहारीमा रहेको बताएका छन् ।
मृत्यु हुनेमा विश्वकपका लागि रंगशाला, सडक, होटललगायतका पूर्वाधार निर्माणमा संलग्न मजदुरहरु रहेका छन् । यसअघि विश्वकपको तयारीका क्रममा ज्यान गुमाउनेको संख्या ३७ देखि ४० सम्म रहेको बताइएकोमा पहिलो पटक कतारले यर्थाथ स्वीकार गरेको हो ।
सन् २०१० मा विश्वकप फुटबल आयोजनाको अधिकार जितेपछि कतारले आफ्नो पूर्वाधार निर्माणका क्रममा रंगशाला, सडक, होटललगायतका पूर्वाधार निर्माणमा उनीहरुको ज्यान गएको बताइएको छ ।
