हल्दिवारी गाउँपालिका वडा नम्बर १ युवा तथा खेलकुद विकास समितिले वडा स्तरीय नक आउट फुटबल प्रतियोगिताको क्रममा घाइते भएका खेलाडी सन्तोष लिम्बुलाई १५ हजार सहयोग गर्ने भएको छ ।
वडा स्तरीय नक आउट फुटबल प्रतियोगितामा वडा नम्बर १ ए टिम उपविजेता हुदै ३५ हजार जितेको थियोे । आफ्नो टिमले जितेको पुरस्कर बाट घाइते लिम्बू लाई १५ हजार सहयोग गर्न लागेको १ नम्बर खेलकुद विकास समिति संयोजक पदम सुन्दर राईले बताउनु भएको छ ।
समितिको आज बसेको बैठकले सहयोग गर्ने निर्णय गरेको हो । घाइते लिम्बुको हाल पनि काठमाडौ स्थित ट्रमा सेन्टरमा उपचार भइ रहेकोे छ ।
वडा नम्बर ४ का खेलाडी लिम्बुको खेलको क्रममा आमासयमा चोट लागि काठमाडौ लगिएको थियोे उपविजेता रहेको १ नम्बर वडाले खेलाडीको भविस्य हेरि उपचारलाई सहयोग पुर्याउने हेतुले १५ हजार सहयोग गर्न लागिएको वडा सदस्य समेत रहेका संयोजक राईले बताउनु भएको छ।
