पहिचान कविता : दधीकाँदर नारीगोल खेला

दधी-मतनेर ..आईचे बेला ,
कृष्णए जे .. करे लीला ।
छुवा लारिल .. काँद आर माँटी ,
हातत् लिए ..नाँरीगोलेर खेला।।

निडर सहासी .. छुवाके बेनाईचे माँअ,
जैदिना घरते .. झुलाईस्ले गे झुला।
आझी परिक्षाते उठिचे .. जल्मेर माँअ,
अैलाते चुमाचे गे .. डाली आर कुला।

बाँसते बान्धिल .. लक्ष्य कर्मेर टँप्ला ,
पिछ्ला घिउते करे .. देहा लीला ।
देहात उठाए प्रकृतिर .. लिए कादमाँटी,
बलबानेर मच्चाए .. शोर लीला ।।

कंश कंशासुर जे .. पृथ्वीते हचे ,
निजे लडुवार .. आसिचे गे बेला।
अलुवा हचे अई ..बालकक् कृष्ण बनिए,
सैलाते छरुवा हचे गे .. माँअर कँला।।

पृथ्वी पथे छे .. आर्ह दुष्ट अहंकारी,
सामनाते हए रे .. जीवन उँजाला।
कृष्ण नामे उठाए .. देहाते शक्ति
जीवनत मिले रे .. भविष्य भाला।।

 जोगेन्द्र प्रसाद राजवंशी
कचनकवल :-३, दल्की झापा
हाल :- मलेसिया