– जोगेन्द्र प्रसाद राजवंशी
ना सचिस रे .. बाबू तुई,
मुई बेहा करिए ..बड् हएगेनु।
लदीत पालो तुई .. हेलाअ् नाँअ,
छलछल पानीर लाखा .. बहे गेनु।।
मुई त हऊ .. बिधिर बिधान ,
शिष्टता छाँकुवा .. तोर रहेगेनु।
भाग्य बिचते .. तोर दयाबान,
तोर बेहार परीक्षा .. लिबा रहेगेनु।।
लखे-लखे उठबे .. लदीत छाँल ,
ढेअ् बातास देखुवा .. तोक रहेगेनु।
देखुवा छु करे .. आर्ह झरीबर्षा,
तोर जीवनेर हिसाब .. करुवा रहेगेनु।।
जैला भेदते ढुकिए ..पालो बेहार दान,
उलाँ ठाकुरबारी .. देखुवा रहेगेनु ।।
जैला निजहाते पालो .. कन्यादान,
ईलार सेवापानीर हिसाब.. करुवा रहेगेनु।।
भेदते मिलेचे .. भवसागर गंगा ,
तोर ठाकुरबारीलाक .. डाकुवा रहेगेनु।
देवला पाले नाँनी .. साँल्याना माँन,
ईलार हिसाब-किताब .. लिबा रहेगेनु।।
आत्माते हचे .. शुद्धी दान ,
तोर कर्म आर धर्म .. नापुवा रहेगेनु।
मानवे से छुटेचे .. बेद-बिधान ,
तोर परीक्षा .. लिबा रहेगेनु।।
कचनकवल: ३, दल्की झापा
हाल : मलेशिया
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
