विभागीय टोली त्रिभुवन आर्मी क्लब नवौं राष्ट्रिय खेलकुद प्रतियोगिताअन्तर्गत पुरुष भलिबलको फाइनल प्रवेश गरेको छ । बुधबार भएको पहिलो सेमिफाइनल खेलमा आर्मीले अर्को विभागीय टोली नेपाल पुलिस क्लबलाई ३–१ को सेटमा हराउँदै फाइन प्रवेश गरेको हो ।
पोखरा रंगशालास्थित कोर्टमा पहिलो सेट २५–१८ ले आफ्नो पक्षमा पारेको आर्मीले दोस्रो सेट २१–२५ ले गुमाएको थियो । तेस्रो सेटमा २५–२३ ले जितेको आर्मीले चौथो सेट २५–१९ ले जित निकाल्दै कम्तिमा रजत पदक पक्का गरेको हो ।
आर्मीले आजै हुने दोस्रो सेमिफाइनल खेलको विभागीय टोली नेपाल एपीएफ क्लब र गण्डकी प्रदेशबीचको विजेतासँग स्वर्णका लागि खेल्नेछ ।
