काठमाडौं नेपाल र भारतबीचको पहिलो मैत्रीपूर्ण फुटबल खेल बराबरीमा टुङ्गिएको छ । बिहिबार दशरथ रंगशालामा भएको खेलमा नेपाल र भारतबीच एक–एक गोलको बराबरी खेलेका हुन् ।
खेलको पहिलो हाफमा नेपालले एक गोल गरी अग्रता कायम गरेको थियो । खेलको ३६ मिनेटमा नेपालका अन्जन बिष्टले गोल गरी अग्रता दिलाएका थिए । तर दोस्रो हाफमा खेलको ६१ मिनेटमा भारतका अनिरुद्ध थापाले गोल गरी टिमलाई बराबरी बनाए ।
त्यसपछि दुवै टिमबाट गोल हुन नसकेपछि खेल बराबरीमा टुङ्गिएको हो । उक्त खेलमा अन्जनले भारतका डिफेण्डर चिङ्लेन्साना सिङ कोन्साम र गोलकिपर गुरप्रीत सिंहको समन्वय अभावमा बल खोस्दै गोल गरेका थिए । अब नेपाल र भारतबीचको दोस्रो मैत्रीपूर्ण खेल आइतबार हुनेछ ।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
