हल्दिबारी । सरकारले आगामी आर्थिक वर्ष २०८३/८४ देखि लागू हुने गरी सरकारी कर्मचारीको तलबमा उल्लेख्य वृद्धि गरेको छ।
अर्थमन्त्री स्वर्णिम वाग्लेले बजेट वक्तव्यमार्फत आगामी साउन १ गतेदेखि लागू हुने गरी कर्मचारीको तलब २१ प्रतिशतले वृद्धि गर्ने घोषणा गरेका हुन्। विगत चार वर्षदेखि निजामती कर्मचारीको तलब वृद्धि हुन सकेको थिएन।
तलब वृद्धि भए पनि सरकारले कर्मचारीहरूले पाउँदै आएको महँगी भत्तालाई भने यथावत नै राखेको छ। अर्थमन्त्री वाग्लेका अनुसार तलब वृद्धिसँगै सरकारले यसपटक प्रोत्साहनमा आधारित बजेटलाई विशेष प्राथमिकता दिएको छ।
यो वृद्धिसँगै अब सरकारी कर्मचारीको न्यूनतम तलब ४० हजार रुपैयाँ पुग्नेछ भने माथिल्लो तहका कर्मचारीको तलब १ लाख रुपैयाँभन्दा बढी हुने दाबी सरकारको छ। तलब वृद्धिले महँगीको मारमा परेका कर्मचारीहरूलाई राहत पुग्ने अपेक्षा गरिएको छ।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
