हल्दिवारीमा ८५०० बालबालिकालाई टाइफाइड विरुद्धको खोप  लगाइने 

हल्दिवारी गाउँपालिका भित्र रहेका ८ हजार ५ सय १५ महिना देखि १५ बर्ष उमेर समुहका बालबालिका लाई उक्त खोप लगाउन लागिएको स्वास्थ्य शाखा प्रमुख तथा खोप अभियानका फोकल पर्सन पुष्कर निरौलाले कार्यक्रममा जानकारी दिनु भएको छ ।

यहि चैत २५ देखि अभियानका रूपमा लगाउन लागिएको टाइफाइड विरुद्धको खोप नेपालमा पहिलो पल्ट लगाउन लागिएको छ ।

हल्दिवारी गाउँपालिका प्रमुख प्रशासकीय अधिकृत प्रवीण दाहालको अध्यक्षतामा भएको अभिमुखिकरण कार्यक्रममा जनप्रतिनिधिहरु , विभिन्न संस्थाका प्रतिनिधि ,विद्यालयका प्रतिनिधि ,प्रहरी , कर्मचारी  तथा स्थानीय संचारकर्मीहरुको उपस्थित रहेको थियोे ।

हल्दिवारी गाउँपालिका भित्रका सबै विद्यालय तथा छुट भएका हरुलाई नियमित खोप केन्द्रमा खोप लगाउने व्यवस्था मिलाईएको स्वास्थ्य शाखा प्रमुख निरौलाले बताउनु भएको छ ।

फोहर पानी र दिशा पिसाबबाट सर्ने रोगको रूपमा चिनिएको टाइफाइड रोग विरुद्धको खोप सबै आफ्ना बालबालिका लगाउन प्रमुख प्रशासकीय अधिकृत प्रवीण दाहालले आह्वान समेत गर्नु भएको  छ।