काठमाडौं । जंगली जनावरका लागि खेतमा थापेको विद्युतीय धरापमा परेर कैलालीमा एक महिलाको मृत्यु भएको छ। मृत्यु हुनेमा धनगढी उपमहानगरपालिका–३ की ३२ वर्षीया मञ्जु कुँवर रहेकाे वडाध्यक्ष राजबहादुर ऐरले जानकारी दिएका छन्।
सोमबार राति ११ बजे गौरीफन्टा नाकामा मजदुरी गरेर घर फर्कने क्रममा उनी धरापमा परेकी थिइन्। उनलाई तत्कालै माया मेट्रो अस्पताल लगिए पनि अस्पताल पुर्याइ सक्दा चिकित्सकले मृत घोषणा गरेका थिए।
धनगढी उप–महानगरपालिकामा वनबाट बँदेल, हात्ती, निलगाई, चित्तललगायत जनावर खेतमा पसेर दुःख दिने गरेकाले स्थानीयले विद्युतीय धराप थाप्ने गरेका छन्।
